Bhí vótaíocht ag an reifreann ar siúl Dé hAoine, 8ú Márta 2024. Áiríodh an ráiteas atá leagtha síos seo a leanas mar eolas do vótálaithe ar ábhar an reifrinn i mbileog a seoladh chuig gach toghthóir:
Bille um an Daicheadú Leasú ar an mBunreacht (Cúram), 2023 – páipéar ballóide UAINE
Fiafraítear díot sa reifreann seo an aontaíonn tú leis an togra -
(a) chun an t-alt seo a leanas a scriosadh as Airteagal 41 den Bhunreacht:
“2 1° Go sonrach, admhaíonn an Stát go dtugann an bhean don Stát, trína saol sa teaghlach, cúnamh nach bhféadfaí leas an phobail a
ghnóthú dá éagmais.
2° Uime sin, féachfaidh an Stát lena chur in áirithe nach mbeidh ar mháithreacha clainne, de dheasca uireasa, dul le saothar agus faillí a
thabhairt dá chionn sin ina ndualgais sa teaghlach.”
agus
(b) chun an tAirteagal seo a leanas a chur isteach i ndiaidh Airteagal 42A den Bhunreacht:
“Cúram
Airteagal 42B
Admhaíonn an Stát go dtugtar taca don Chomhdhaonnacht, ar taca é nach bhféadfaí leas an phobail a ghnóthú dá éagmais, de bhíthin cúram a bheith á thabhairt ag daoine de theaghlach dá chéile toisc na snaidhmeanna atá eatarthu, agus beidh an Stát ag dréim le tacú leis
an gcúram sin a thabhairt.”
