Reifreann ar an mBille um an Seachtú Leasú Déag ar an mBunreacht (Uimh. 2) 1997

Bhí vótaíocht ag an reifreann, a reáchtáladh in éineacht le Toghchán Uachtaránachta, ar siúl ar an Déardaoin 30ú Deireadh Fómhair, 1997. Rinneadh cur síos ar ábhar an reifrinn mar seo a leanas sa chárta vótála oifigiúil a seoladh chuig gach toghthóir: ‘Molann AN BILLE UM AN SEACHTÚ LEASÚ DÉAG AR AN mBUNREACHT (UIMH. 2), 1997, an fo-alt seo a leanas a chur isteach i ndiaidh fho-alt 2 d’alt 4 d’Airteagal 28 den Bhunreacht: "3° Déanfar rúndacht na bpléití ag cruinnithe den Rialtas a urramú i ngach toisc ach amháin i gcás ina gcinnfidh an Ard-Chúirt gur ceart nochtadh a dhéanamh i dtaobh ní áirithe— i. ar mhaithe le riaradh cirt ag Cúirt, nó ii. de bhua leasa phoiblí sháraithigh, de bhun iarratais chuige sin ó bhinse arna cheapadh ag an Rialtas nó ag Aire den Rialtas le húdarás Thithe an Oireachtais chun fiosrú a dhéanamh faoi ní a luafaidh siad ina thaobh go bhfuil tábh-acht phoiblí ann.".’